ลำล่อง : ฝากฟ้าเอิ้นหาน้อง
ศิลปิน : ลายพิณ ชินราช
ประพันธ์โดย : อ.ทิวไม้ ชายทุ่ง
แคน : ยานาโดม
ซอ : โนชานน
มิกซ์เสียง : (ตึ๋ง) เทพพิทักษ์ จันทร์เต็ม
บันทึกเสียงโดย : หม่องม่วน เร็คคอร์ด
ติดต่องานแสดง : 084-6692324
ขอขอบคุณหมอแคน กิตติมาศักดิ์ โดย เอก พงศ์วรฐ
ลำล่อง ฝากฟ้าเอิ้นหาน้อง [ลำสด] https://youtu.be/osTYGux1bIw
ลำล่อง หลาบจำแล้วคำคน https://youtu.be/wPcLpD6a3L8
.................................................................
......เนื้อกลอนลำ ฝากฟ้าเอิ้นหาน้อง...........
หล่ะเบิดกลอนลำกลอนร้อง เข้าทำนองร้องทางใหม่ ลำล่องหัวล่องท้าย ใจอ้ายห่วงบ่เซา ถึงยามนอนอ้ายกะอุกอั่งเอ้า เอ้าอั่งในหัวใจ แนวว่าแพงๆไผกะบ่คือน้อแพงเจ้า ฮอดยามบุญเอิ้นขวัญข้าว อ้ายนั่งเหงาเฮ็ดโส่งโล่ง แนมลงท่งแดดฮ้อนๆ คึดนำเจ้าผู้อยู่ไกล หนึ่งปีปลายแล้วน้องหล่า เจ้าจากนาดอกลาถิ่น เดือนสามแห่งกิ่นๆ ดินอิสานขาดน้ำฤดูแล้งไล่มา ซุมดอกจานจนบานอ้า บ่ข่าวมาให้ฮู้แหน่..เด้น้อ เทิงเฒ่าพ่อเฒ่าแม่ เพิ่นกะอุกอั่งเอ้า ได้นั่งเฝ้าผ่อทาง บ่หลูโตนอ้ายบ้าง ผู้แนมทางดอกลัดไถ่ รถคันใด๋จอดบ้าน คือเจ้าสิต่าวมา จำได้บ่ต้นหว้า อยู่หัวนาหม่องเคยนัด หรือได้กินพิซซ่าฮัท ลืมปลาแดกขี้ร้า ข้าวเหนียวจ้ำดอกแจวบ่อง ลืมคูคองหนองห้วย ลืมงัวควายเจ้าเคยเลี้ยง เจ้าเคยไล่ ลืมดอนไพร ถิ่มท่งให้อ้างว้างเป็นเฮื้อ หญ้าขะโหมง "นั่งเหงางง หัวใจ มีแต่เศร้า นั่งจับเจ่า น้องเจ้า อยู่แห่งไหน ทุ่งนาแล้ง หญ้าก็แห้ง เหี่ยวกรอบตาย มองทางใด สุดอ้างว้าง กลางท้องนา เลยมีนาเมษาเข้า ถึงวันเนาว์เหงาเอาหนี่ คึดฮอดหลาย ตั้งแต่คราวก่อนกี้ มีเจ้าเป็นคู่ใจ เดียวนี่น้อแม่นเที่ยวงานบุญได้ กะบ่ม่วนนำเขา แม่นเบิ่งหนังฟังลำ ฟังลำ บ่ม่วนใจเอาพอดี้ เห็นสาวนีสาวต้อย สาวพลอยเพิ่นโค้งต่าว กลับมาเนาว์สาดน้ำ สงกรานต์เล่นซื่นแซว "แนวเจ้าไกล บ้านนา แล้วลืมสิ้น ลืมผืนดิน ถิ่นนาดอน บ่อนอาศัย เลยสงกรานต์ ผ่านเข้า บุญบั้งไฟ สุดเหงาใจ แฟนอ้าย บ่เห็นมา พฤษภา เสียงฟ้าครวญ ชวนใจหม่น ฟังเสียงลม เสียงฝน บนเวหา เสียงฟ้าร้อง ดังกึกก้อง ทั่วนภา ช่วยหน่อยฟ้า เอิ้นน้องหล่า ให้คืนคอน" คืนนาดอนสาเด้อเจ้า อย่าไปเนาว์น้อบ้านเพิ่น แก้มเปิ่นเวิ่นชู้บักอ้าย คันได้ยินเสียงฟ้าฮ้อง ให้คืนห้อง พ่อแม่รอ ยามกินข้าว เพิ่นจ่มหา ตาแนมทาง อือ...อือ..ล่ะหน่า
